San Giovanni Rotondo

(Padre Pio)                       6 - 9 ta' Gunju 2019
 

Inzuru: San Giovanni Rotondo, Pietrelcina, Piana Romana,
Foggia, Monte Sant’Angelo u Lanciano

 

Eskursjonijiet u l-half board inklużi.

Il-Ħamis, 6 ta’ Ġunju       
Niltaqgħu l-ajruport ta’ Malta fil-5.35am biex nitilqu bit-titjira mal-AirMalta lejn Ruma fis 7.35am. Hekk kif naslu fid-9.00am, nirkbu il-coach li teħodna Pietrelcina, post żgħir u ħelu fejn twieled Patri Piju u fejn għex sakemm kellu 31 sena. Naraw postijiet konnessi ma’ Patri Piju, fosthom il-knisja parrokkjali fejn fl-14 ta’ Awissu 1910 qaddes għall-ewwel darba. Wara l-ikel (extra) immorru Piana Romana, post żgħir viċin ħafna ta’ Pietrelcina, sinonimu ma’ Patri Piju speċjalment minħabba l-pjagi inviżibbli. Wara immorru fil-lukanda ġewwa San Giovanni Rotondo, sistemazzjoni tal-kmamar u ikel.

 

Il-Ġimgħa, 7 ta’ Ġunju    
Wara il-kolazzjon immorru nżuru s-Santwarju Santa Maria Delle Grazie fejn nieħdu sehem fiċ-Ċelebrazzjoni Ewkaristika. Inżuru ukoll il-Mużew ta’ Patri Piju, il-kripta, il-kamra tiegħu, il-kurċifiss mirakoluż, il-knisja il-qadima u l-konfessjonarju. Wara naqbdu it-triq tal-Via Crucis monumentali, waħda mill-opri kbar ta’ San Pio. Inżuru il-knisja l-ġdida ddedikata lil San Pio ta’ Pietrelcina. Filgħaxija wara ċ-ċena mmorru ngħidu ir-rużarju fil-kripta.

 

Is-Sibt, 8 ta’ Ġunju                       
Jittieħed l-kolazzjon u wara nitilqu għal Foggia u Monte Sant’Angelo. F’Foggia nżuru l-Bażilika tal-Madonna Inkurunata. Matul iż-żmenijiet din il-Bażilika żaruha San Franġisk ta’ Assisi, Sant’Antnin ta’ Padova, San Pio ta’ Pietrelcina u San Ġwanni Pawlu II. Wara xi ħin għax-xiri ta’ souvenirs nitilqu għaċ-ċentru kummerċjali ta’ Foggia fejn ikun hemm ħin għall-ikel (extra). Wara nofsinhar nitilqu minn Foggia għal fuq il-Muntanja tal-Gargano fejn F’Monte Sant’Angelo hemm l-Għar u s-Santwarju ta’ San Mikiel Arkanġlu. Dan il-post qaddis kien iħobb iżuru Patri Pio, akkumpanjat mill-fratini. Din il-Bażilika/Santwarju bħalissa qegħdin jieħdu ħsiebha l-Kongregazzjoni Mikelini li huma ta’ oriġini Pollakka. Ikun hemm ħin liberu qabel ma nitilqu għall-lukanda fejn niċċenaw.

 

Il-Ħadd, 9 ta’ Ġunju         
Illum wara il-kolazzjon nitilqu għall-ajruport ta’ Ruma. Matul il-vjaġġ ikollna waqfa f’Lanciano fejn inżuru is-Santwarju tal-Miraklu tal-Ewkaristija. It-titijira għal Malta titlaq fid-9.10pm, fejn naslu fl-10.35pm 

 

Prezz kull persuna                                    Prezz:

Kbar f’kamra trippla                                              

Kbar f’kamra doppja                                             

Kbar f’kamra singola                                             

Tfal (sa 11 il-sena) ma’ żewġ adulti                   

 

Prezz jinkludi

Titjiriet mal-Airmalta Malta/Ruma/Malta

Akkomodazzjoni HB fil-Lukanda Rosa Marina (3*) f’San Giovanni Rotondo jew simili

3 kolazzjonijiet/3 ikliet

Kmamar kollha bis-servizzi privati

Coach komda bl-arja kundizzjonata matul it-tour

l-Eskursjonijiet kollha

Servizz ta’ tour leader

Servizz ta’ direttur spiritwali

It-taxxi tal-ajruport u service charge

Insolvency Fund

 

Mhux inkluż fil-prezz

San Giovanni Rotondo City Tax titħallas direttament fil-lukanda għall kull lejl minn kull persuna (minn 10 snin il-fuq) €1 għall-ewwel lejl u €0.80c għal kull lejl ieħor.

 

Il-prezzijiet ta’ hawn fuq jistgħu jinbiddlu