Inzuru: Lourdes, Gavarnie, St. Jean d’Luz, Col d’Ibardin & Pont d’Espagne

5 t' ijiem

Dati:

Grupp 1. 7 – 11 ta’ Awwissu

Grupp 2. 21 – 25 ta’ Awwissu

Grupp 3. 4 – 8 ta’ Settembru

(8 ta’ Settembru – Festa Nazzjonali)

Grupp 4. 18 – 22 ta’ Settembru

(21 ta’ Settembru – Festa Nazzjonali)

IL-ĦADD

Il-grupp jiltaqa’ l-ajruport fl-3.45am, u b’titjira diretta mar-Ryanair nitilqu għal Lourdes fis-6.15am. Fid-8.45am naslu Lourdes u nirkbu l-kowċ li teħodna għal-Lukanda Lys De Marie (3-stilel superior) jew simili fejn ikollna s-sistemazzjoni tal-kmamar. Wara l-pranzu nibdew il-mawra tagħna f’Lourdes bi żjara fil-Grotta ta’ Massabielle, fejn il-Madonna dehret lil Santa Bernardette Soubirous. Inkomplu bil-programm billi naraw, u fejn ikun possibili nżuru, diversi postijiet ta’ nteress konnessi ma’ Santa Bernardette, fosthom il-Mitħna Boly (fejn twieldet u għexet sakemm kellha 10 snin), il-Cachot (kamra f’ħabs abbandunat fejn għexet, flimkien mal-familja, matul id-dehriet) u l-Knisja Parrokkjali li hija ddedikata lill-Qalb Imqaddsa ta’ Ġesù (fejn tgħammdet). Ċena fil-lukanda, u wara fid-9.00pm nieħdu sehem, bħala grupp, fil-purċissjoni Aux Flambeaux li tibda mill-Grotta u tintemm fil-pjazza ta’ quddiem il-Bażilika tar-Rużarju. F’din il-purċissjoni, il-pellegrini jimxu wara l-istatwa tal-Madonna b’xemgħa mixgħula f’idejhom waqt li jingħad ir-rużarju.

IT-TNEJN

Wara l-kolazzjon, niċċelebraw l-Ewkaristija f’waħda mid-diversi knejjes/kappelli li jinsabu viċin il[1]Grotta. Ma’ tmiem il-quddiesa, il-grupp jieħu ritratt ta’ tifkira quddiem il-Bażiliki. Inkomplu bil-programm billi nżuru t-tliet Bażiliki, u wara nagħmlu l-mixja tal-Via Sagra fuq l-Għolja de l’Espeluges. Pranzu, u wara optional excursion f’Gavarnie, fejn ikollna eskursjoni verament sabiha li matulha naraw ħafna veduti meraviljużi. Gavarnie huwa raħal qalb il-muntanji, 1357m ’l fuq mill-baħar. Nagħmlu waqfa fuq Pont du Napoleon, fejn ingawdu veduta mill-aqwa. Hekk kif naslu Gavarnie nistgħu nagħmlu mixja qalb xenarju mill-isbaħ jew min irid jista’ anke jirkeb fuq xi żiemel. Ċena fil-lukanda.

IT-TLIETA

Kolazzjon, u wara jkollna optional excursion ta’ jum f’St. Jean de Luz u Col d’Ibardin. F’St. Jean de Luz, li hija belt kosmopolitana u medjovali b’influwenza Spanjola, inżuru ċ-ċentru storiku u x-xtajta kbira tal-post. Imbagħad, immorru Col d’Ibardin minn fejn naraw veduti mill-isbaħ, u minn fejn inkunu nistgħu nagħmlu xi xiri. Nirritornaw lura l-lukanda għaċ-ċena, u wara jkollna Ċelebrazzjoni Ewkaristika.

L-ERBGĦA

Kolazzjon, u fid-9.30am nieħdu sehem fil-quddiesa internazzjonali li ssir fil-Bażilika l-Kbira ta’ taħt l-art iddedikata lil San Piju X, fejn nesperjenzaw esperjenza unika u xeni impressjonanti ta’ devozzjoni. Wara din iċ-ċelebrazzjoni, immorru naraw DVD dwar il-messaġġ ta’ Lourdes. Wara l-pranzu, ikollna optional excursion f’Pont d’Espagne li jifforma parti mill-Park Nazzjonali tal-Pyrenees. Matul din l-eskursjoni fuq il-muntanji, nitpaxxew b’xenarju mill-isbaħ u naraw ħafna kaskati meraviljużi bl-ilma nieżel b’veloċità kbira. Dan il-post huwa popolari ħafna ma’ dawk li jħobbu jmorru mountain climbing. Ċena fil-lukanda.

IL-ĦAMIS:

Kolazzjon kmieni, u wara nitilqu għall[1]ajruport. It-titjira tar-Ryanair titlaq minn Lourdes fl[1]10.05am, u tasal Malta fin-12.35pm.

Prezz kull persuna

Adult f’kamra trippla €549

Adult f’kamra doppja €589

Adult f’kamra singola €639

Tfal (2 sa 5 snin) ma’ żewġ adulti €389

Tfal (6 sa 9 snin) ma’ żewġ adulti €439

*Il-postijiet fuq it-titjira jiġu assenjati mir-Ryanair.

Jista’ jkun hemm ħlas addizzjonali jekk inti tkun tixtieq postijiet fejn

xulxin u/jew bagalja extra.

Eskursjonijiet